მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს
19 ოქტომბერი 2017  10:26 ქართული შრიფტი


ვაჟა-ფშაველა
ქალო, გნახე ფეხშიშველა,
"თუ ღმერთთან ერთად ხარ, ნებისმიერი ადგილზე გაქვს სახლ-კარი და სამშობლო, ღვთის გარეშე კი სახლიცა და მამულიც გადასახლება და ტყვეობაა." -
წმ.ტიხონ ზადონელი





Untitled Document


აბბა გრიგორის მონათხრობი

აბბა გრიგორიმ მოგვითხრო:

_ ქოზიბას მონასტერში ერთი ძმა ცხოვრობდა. მას ჯერ სამღვდელო ხარისხი არ ჰქონდა, მაგრამ მსხვერპლშეწირვის ლოცვები ზეპირად იცოდა. ერთხელ იგი სეფისკვერის მოსატანად იერიქონში გააგზავნეს. უკან რომ ბრუნდებოდა, სეფისკვერი ამოიღო და მთელი მსხვერპლშეწირვის ლოცვები თავიდან ბოლომდე წაიკითხა. მისი მოტანილი სეფისკვერი დიაკონმა ფეშხუმზე დაასვენა და ლიტურგიისთვის მზადება დაიწყო. ლიტურგიას პრესვიტერი აბბა იოანე აღასრულებდა, მეტსახელად ქოზიბელი _ შემდეგში კესარია პალესტინის ეპისკოპოსი. როდესაც მან მსხვერპლშეწირვის ლოცვები წაიკითხა, შენიშნა, რომ სულიწმიდა არ გადმოდიოდა. ამან ძალიან დაამწუხრა.

_ ნუთუ რაიმე შევცოდე ამ ღამეს და იმიტომაც არ გადმოდის სულიწმიდა? _ გაიფიქრა მან. შემდეგ სადიაკვნოში შევიდა, მიწაზე დაემხო და მწარედ ატირდა. უცებ ბერს ღვთის ანგელოზი გამოეცხადა და უთხრა:
_ იმ ძმამ, რომელიც სეფისკვერის მოსატანად გაგზავნეთ, მსხვერპლშეწირვის ლოცვები წაიკითხა გზაში და იმ წუთიდან ეს სეფისკვერი უკვე შეწირულია.

იმ დღის შემდეგ პრესვიტერმა წესად დაადგინა, რომ ხელდასხმამდე აღარავის ესწავლა მსხვერპლშეწირვის ლოცვები და, მით უფრო _ აღარავის წაეკითხა ისინი უდროოდ და უადგილოდ.

 

 

 

ბათუმისა და ლაზეთის ეპარქია
ელ. ფოსტა: info@eparchy-batumi.ge

ვებ-გვერდი იხილა 12138257 სტუმარმა

საიტი დამზადებულია GTG-ს მიერ