მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს


ლადო ასათიანი
საქართველოში
მთვარი, დაუსრულებელი სათნოება არის სიყვარული. არსებობს რწმენა, სასოება და სიყვარული. სიყვარული მარადიულია. და აი, ამ მარადისობის დღესასწაულია დღეს - მარადიული სიყვარულის დღესასწაული. -
საქართველოს კათოლიკოს-პატრიარქი ილია II





Untitled Document

მიძინება ყოვლადწმიდა ღვთისმშობელისა

მართლმადიდებელი ეკლესია ღვთისმშობლის მიძინებას 15/28 აგვისტოს აღნიშნავს. ყოვლადწმიდა ღვთისმშობელი იესო ქრისტეს ამაღლებიდან რამდენიმე წელს კიდევ ცხოვრობდა დედამიწაზე. მოციქულებმა იოანე ღვთისმეტყველმა, უფლის სიტყვისაებრ, თავის სახლში მიიღო იგი და ზრუნავდა მასზე, როგორც საკუთარ დედაზე. ყოვლადწმიდა ღვთისმშობელი გახდა დედა მოციქულთა, იგი მათთან ერთად ლოცულობდა და საუბრობდა მაცხოვრის შესახებ. როცა ქრისტიანობა სხვა ქვეყნებშიც გავრცელდა, მასთან მრავალი მორწმუნე მიდიოდა სანახავად და სიტყვის მოსასმენად.

იერუსალიმში ღვთისმშობელს უყვარდა მოენახულებინა ის ადგილები, სადაც კი გაევლო მაცხოვარს, სადაც ეწამა, მოკვდა, აღდგა და ამაღლდა ზეცად, ის ლოცულობდა ამ ადგილებში. ტიროდა, როცა იხსენებდა იესოს ვნებებს და ხარობდა მისი აღდგომისა და ამაღლების გახსენებისას. ყოვლადწმიდა ღვთისმშობელი ხშირად ევედრებოდა უფალს, რათა მალე წაეყვანა მას თავის სასუფეველში.

ერთხელ, როცა ღვთისმშობელი ელეონის მთაზე ლოცულობდა, გამოეცხადა მთავარანგელოზი გაბრიელი, ხეკში ზეთისხილის რტოთი და უთხრა, რომ იგი სამ დღეში აღესრულებოდა და უფალი წაიყვანდა თავისთან. ღვთისმშობელი დიდად გაახარა ამ უწყებამ და მიცვალებასათვის მზადება დაიწყო.

მოციქულები ამ დროისათვის იერუსალიმში არ იყვნენ, ისინი სხვადასხვა ქვეყანაში ქრისტიანობას ქადაგებდნენ. ღვთისმშობელს სურდა, მიცვალების წინ დამშვიდებებოდა მათ. ეს თითქოს შეუძლებელი იყო, მაგრამ ღმერთმა, სასწაულებრივად, იერუსალიმში შეკრიბა ყველა მოციქული, თომას გარდა. ისინი დამწუხრდნენ, როცა შეიტყვეს, თუ რისთვის მოუხმო მათ ერთად უფალმა, მაგრამ ყოვლადწმიდა ქალწულმა განუცხადა მათ, რომ არ მიატოვებდა ქრისტეს სამწყსოს თვით მიცვალების შემდეგ და რომ მათთვის ილოცებდა სასუფეველში.

ღვთისმშობლის მიცვალებისას არაჩვეულებრივმა ნათელმა გაანათა ის ოთახი, სადაც მარიამი იწვა: თვით უფალი იესო ქრისტე, ანგელოზთა თანხლებით, მოვიდ