მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს
15 დეკემბერი 2017  22:52 ქართული შრიფტი


გალაკტიონ ტაბიძე
***(სიტყვა არ წამოგცდეს, რომ შენ დაიღალე...)
"როგორც ქარწაღებულიხომალდი ქანაობს აქეთ-იქით ქარიშხლის ნებაზე, ასევე სულიც, რომელიც ღვთის მადლს მოკლებულია, მუდმივად ცოდვისაგან იმართება, რომელიც მას იქით კი არ მიაქანებს, საითაც თავად სურს, არამედ იქით - სადაც დემონს უნდა." -





Untitled Document


“მაგრამ, მამაო, ორი დღის შემდეგ მე ეს სოფელი  უნდა დავტოვო"

იმავე ფარანის ლავრაში ჩვენ შევხვდით აბბა ავქსანონს. იგი მკაცრი თავშეკავებითა და გულმოწყალებით გამოირჩეოდა. ჭამდა ოთხ დღეში ერთხელ, ისიც მხოლოდ სეფისკვერს, _ რომელსაც ოც ლეპტად ყიდულობდა; ხანდახან კი მთელი კვირა არაფერს ჭამდა. სიკვდილის წინ კუჭი დაუავადდა. ჩვენ იგი იერუსალიმში წავიყვანეთ და საპატრიარქოს სასნეულოში დავაწვინეთ. საბას ლავრის იღუმენმა _ აბბა კონონმა ჩვენი იქ ყოფნისას ბერს ნაკურთხი პურით სავსე კალათა და ექვსი დრაჰკანი გამოუგზავნა, თან შემოუთვალა:
_ შემინდე, მამაო, უძლურების გამო ვერ მოვდივარ შენს სანახავად.
ბერმა კალათა და პური დაიტოვა, ფული კი უკან გაუგზავნა იღუმენს და შეუთვალა:
_ თუ ღმერთი სიცოცხლეს გამიგრძელებს, ათი დრაჰკანი მაქვს და ჯერჯერობით მეყოფა, მერე კი, თუ შენი ფული დამჭირდება, შეგატყობინებ. მაგრამ, მამაო, ორი დღის შემდეგ მე ეს სოფელი უნდა დავტოვო.

ასეც მოხდა... მისი სხეული ფარანის ლავრაში გადავასვენეთ და იქ დავკრძალეთ. ნეტარი ბერი ადრე პატრიარქების _ ევსტოქისა და გრიგორის სვინკელი იყო, მაგრამ მიატოვა ისინი და სულიერი სრულყოფილების მისაღწევად უდაბნოში განმარტოვდა. წარმოშობით იგი გალატიის ანკირიდან იყო.

 

 

 

 

ბათუმისა და ლაზეთის ეპარქია
ელ. ფოსტა: info@eparchy-batumi.ge

ვებ-გვერდი იხილა 12570312 სტუმარმა

საიტი დამზადებულია GTG-ს მიერ