მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს
18 აგვისტო 2017  11:59 ქართული შრიფტი


ვაჟა-ფშაველა
მუდარა
მთვარი, დაუსრულებელი სათნოება არის სიყვარული. არსებობს რწმენა, სასოება და სიყვარული. სიყვარული მარადიულია. და აი, ამ მარადისობის დღესასწაულია დღეს - მარადიული სიყვარულის დღესასწაული. -
საქართველოს კათოლიკოს-პატრიარქი ილია II





Untitled Document



ნეტარი იოანე


ფინიკიის ქალაქ ფტოლემაიდას გა¬რეუბანში ერთი დიდი ბერი ცხოვრობდა. მას ჰყავდა მოწაფე, რომელსაც სახელად იოანე ერქვა. ისიც დიდი მოღვაწე იყო, განსაკუთრებით კი მორჩილების ღვაწლით გამოირჩეოდა. ერთხელ ბერმა იგი სამუშაოდ გაგზავნა და თან საგზლად პური გაატანა. მოწაფე წავიდა, შეასრულა სამუშაო და უკან რომ დაბრუნდა, პურიც თან მოიტანა. ბერმა ჰკითხა:

_ რატომ არ შეჭამე პური, შვილო?

_ შემინდე, მამაო, შენ არ გითქვამს, რომ მეჭამა, _ უპასუხა მოწაფემ და მუხლი მოუდრიკა მას.

ბერი გააოცა ამ პასუხმა და აკურთხა, რომ პური ეჭამა.

ბერის გარდაცვალების შემდეგ იოანემ ორმოცი დღე იმარხა. მეორმოცე დღეს მას ზეციდან ხმა ჩამოესმა:

_ ვისაც ხელს შეახებ, ყველანაირი სნეულებისგან განიკურნება.

მეორე დილით, ღვთის განგებით, მასთან ერთი ცოლ-ქმარი მოვიდა. ცოლს მკერდის კიბო ჰქონდა და ქმარმა იოანეს მისი განკურნება სთხოვა. იოანე არ თანხმდებოდა, უღირსად და ცოდვილად მიაჩნდა საკუთარი თავი. ქმარი კიდევ დიდხანს ევედრებოდა. ბოლოს იოანემ ქალს მკერდზე ჯვარი გადასახა და იგი მაშინვე განიკურნა.

ამის შემდეგ ღმერთმა ნეტარი იოანეს ხელით კიდევ ბევრი სასწაული აღასრულა. არა მხოლოდ მის სიცოცხლეში, არამედ გარდაცვალების შემდეგაც.

.

 

 

 

 

ბათუმისა და ლაზეთის ეპარქია
ელ. ფოსტა: info@eparchy-batumi.ge

ვებ-გვერდი იხილა 11513442 სტუმარმა

საიტი დამზადებულია GTG-ს მიერ