მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს


აკაკი წერეთელი
ხარაბუზა და ფუტკარი
"იმაზე დიდებული არაფერია, ვიდრე ღმერთთან მყოფი ადამიანი და არაფერია იმაზე არარაობა, ვიდრე ადამიანი - ღმერთის გარეშე." -





მირონცხების საიდუმლო

მირონცხება არის მეორე საიდუმლო, რომელიც უშუალოდ ნათლისღების საიდუმლოსთან ერთად სრულდება. ნათლისღების საშუალებით ადამიანი იშვება სულიერი ცხოვრებისათვის და განწმენდილი ყოველგვარი ცოდვებისაგან შედის ქრისტიანულ სამყაროში. მაგრამ როგორც ჩვეულებრივად ახალ დაბადებულ ადამიანს სჭირდება ჰაერი, სინათლე, სითბო და სხვა გარეგანი საშუალებანი თავისი გაზრდისა და განვითარებისათვის, ასევე ესაჭიროება მას თავისი სულიერი ცხოვრებისათვის კეთილისმყოფელი ძალა სულისწმიდისა, რომელიც მას მისცემს სულიერ ჰაერს, სულიერ ნათელსა და სულიერ სითბოს, რომელთა საშუალებითაც ადამიანი სულიერად გამაგრდება და ამაღლდება.

მირონცხების საიდუმლო დაწესებულია იესო ქრისტეს მიერ: “უკეთუ ვისმე სწყუროდეს, მოვედინ ჩემდა და სუემდინ და რომელსა ჰრწმენეს ჩემი, ვითარცა თქუა წიგნმან, მდინარენი მუცლისა მისისაგან დიოდიან წყლისა ცხოველისანი” (იოან. 7, 37-39).

უფლის ნათლისღებისას წარმოჩნდა ორი საიდუმლოს სიმბოლოები: ნათლისღებისა, როცა ქრისტე შევიდა იორდანეში და მირონცხებისა, როდესაც მასზე გარდამოვიდა სულისწმინდა მტრედის სახით. მახარობლის თქმით, სულიწმიდის გარდამოსვლა იესოზე მოხდა მისი წყლიდან ამოსვლის შემდეგ (მთ. 3,16).

მოციქულებზე ეს საიდუმლო საზეიმოდ განხორციელდა აღდგომიდან ორმოცდამეათე დღეს: “გადავიდა მათზე ცეცხლოვანი წვეთები და მათ დაიწყეს უცხო ენაზე ლაპარაკი და აღივსნენ სულიწმიდით (საქმ. 2,1-4)”.

თავდაპირველად მოციქულები ამ საიდუმლოს ხელის დადებით ასრულებდნენ (საქმ. 2,44). მაგრამ მორწმუნეთა რიცხვის გაზრდასთან ერთად ხელის დადების წესი შეიცვალა მირონცხებით (საქმ. 8,7). ამ წესის შეცვლას სათავე თვით მოციქულებმა დაუდეს (იოან. 2,20).

ეკლესია ცხებისათვის იყენებს მირონს. მირონი ბერძნული სიტყვაა და ნიშნავს სურნელოვან ზეთს. მირონი ძველ აღთქმაში გამოიყენებოდა სკინაის, მღვდელმთავრების, წინასწარმეტყველთა და მეფეთა ცხებისათვის. რადგანაც წმიდა მირონი გვაძლევს სულისწმიდის სხვადასხვა ძღვენს, ამიტომაც ის შედგება არა მხოლოდ ერთი ნივთიერებისაგან, არამედ მრავალი სურნელოვანი ნივთიერებისაგან.

სვიმეონ თესალონიკელი ამბობს: როგორც უფლ