მადლი ჩვენთვის იგივეა, რაც მზე - მიწისთვის; ის ჩვენ გვანათლებს, გვათბობს და გვაცოცხლებს
21 ოქტომბერი 2017  05:58 ქართული შრიფტი



(ღმერთო, მაპატიე აპათია...)
”ნუ ეცდები ღვთის ღრმად გამოკვლევას, უფრო მეტად ეცადე, მიემსგავსო მას.” -
წმ. გრიგოლ ღვთისმეტყველი





Untitled Document


წმიდა ეფრემ დიდი ფილოსოფოსი (IX)

ღირსი ეფრემი გრიგოლ ხანძთელის მოწაფე და თანამოსაგრე იყო. სულიერი შვილის მოსაძებნად მიმავალმა ღირსმა გრიგოლმა ქართლში  “ნებითა ღმრთისათა ძიებასა მას ძმათასა პოვა ეფრემ ყრმაი, ჭაბუკი ღირსი”. გრიგოლმა დაიმოწაფა ეფრემი, უკან დაბრუნებულმა კი თან წაიყვანა ხანძთას და მომავალ ქართლის კათალიკოსთან, ყრმა არსენთან ერთად აღსაზრდელად თავის თანამოღვაწეებს, ქრისტეფორესა და თეოდორეს ჩააბარა.
ღირსი ეფრემი აწყურის ეპისკოპოსად იქნა დადგენილი. ის  უდიდესი მოღვაწე იყო იმდროინდელი საქართველოს ეკლესიისა. ჯავახეთში შეკრებილ  საეკლესიო კრებაზე, რომელსაც კათალიკოსის ტახტზე არსენის დარჩენა-გადადგომის საკითხი უნდა გადაეწყვიტა, ერთ-ერთი უპირველესი ეპისკოპოსთაგანი, რომლის სიტყვასაც გადამწყვეტი მნიშვნელობა ჰქონდა, სწორედ ეფრემი იყო. იგი იყო წინამძღოლი ეპისკოპოსთა და სამღვდელოთა იმ დასისა, რომელიც კათოლიკოსის ტახტზე უკანონოდ აღსაყდრებული არსენის გადაყენებას მოითხოვდა. კრების მონაწილენი მისგან მოელოდნენ ჭეშმარიტი მსჯავრის დადებას, ამიტომაც პირველი სიტყვის თქმა სთხოვეს. ღირსმა ეფრემმმა მორჩილად თქვა: სადა მამა გრიგოლ იყოს, მე მუნ არა ვიკადრებ სიტყუად. გრიგოლ ხანძთელმა ეკელსიის მამებსა და კრების ორგანიზატორს გუარამ მამფალს აუხსნა, რომ არსენი ღვთის ნებით შეიქმნა კათალიკოსი საქართველოისა, “არამედ მირეან მამამან მისმან აუგიან ყო უჟამოდ შესწრაფებიტა, ვითარცა ადამ ჭამა ხილი იგი, რომელ არღა მწიფე იყო.”

კრების შემდეგ ეფრემისა და არსენის სიყვარული კვლავ განახლდა. წმიდა ეფრემ მაწყვერელმა უდიდესი ღვაწლი დასდო საქართველოს ეკლესიის ავტოკეფალიის საბოლოოდ განმტკიცების საქმეს. მისი შემწეობით ქართულმა ეკლესიამ მირონის მცხეთაში კურთხევის  უფლება მიიღო. მანამდე წმიდა მირონი ანტიოქიის ეკლესიიდან მიიღებოდა.

.

.

.

ბათუმისა და ლაზეთის ეპარქია
ელ. ფოსტა: info@eparchy-batumi.ge

ვებ-გვერდი იხილა 12153085 სტუმარმა

საიტი დამზადებულია GTG-ს მიერ